Sefydlwyd Y Bont, a elwid gynt yn Ymddiriedolaeth Cartref Bontnewydd, gan Robert Bevan Ellis yn 1898. Ei weledigaeth oedd creu man diogel i blant amddifad neu blant oedd yn methu aros adref gyda’u teulu.
Dros y 125 mlynedd diwethaf cafodd y gwaith gwreiddiol fel cartref i blant ei ymestyn. Mae rôl y Bont yn parhau i ddatblygu a newid er mwyn cyrraedd anghenion plant a phobl ifanc heddiw.
O dan gadeiryddiaeth Mr Gwyn Hefin Jones, mae’r Bwrdd Ymddiriedolwyr yn cynrychioli ystod eang o gefndiroedd a diddordebau.